كنا زمان .....

بحن لأيام زمان لأيام عدت وولت من سنين بحن لشارعنا و بيتنا و سريرى القديم بحن لأم بتنتظرى و غدا عمرة ما تاخر عليا بحن لنوم العصارى و هروبى من البرد تحت لحافى بحن لأب طيب ياما زعق عشان افتح كتابى بحن لتمشية مع صحابى من غير تعب من غير هموم بحن لأمانى ياما سهرتنى و لوعتنى و حيرتلى بالى بحن لمصروفى الصغير و انا متحير اية هجيب بحن لاحلام صغيرة كانت بعيدة بحن لشهور الاجازة و البحر و بنات صغيرة بحن لقلب كان بيدق لابتسامة بنت حلوة بحن لخجلى و خوفى من اى حب بحن لحاجة اتمنتها و كانت بعيدة بحن لأغانى و لأمانى بتفكرنى بعمرى اللى راح بحن لأحلامى ...لأيامى .. لسهرى و حتى عذابى بحن لكل حاجة بحلوها و مرها .... بحنلها

ضربة البداية جدة ...... 4 يونيو 2009 منذ ان تخطيت ال30 عام و اصبحت تسيطر على رغبة فى كتابة ما يدور فى ذهنى من افكار او خواطر .... لا ادرى سببا لهذا و لا ما هو النفع الذى سيعود على ... و لكن دعنى اجرب و ارى و كما تعودت ان اقول "مش هنخسر حاجة" خلينا نجرب و مين عارف منذ ان اتممت عامى ال35 و انا ينتابنى شعور بان ال15 سنة الاخيرة قد مرت دون ان اشعر بها .... اكاد لا اشعر بانى اتذكر الكثير من الذكريات التى تملأ 15 عام كاملة ... مع انة فعليا فقد مررت بكثير من المراحل المختلفة و المهمة فى تللك المدة .... تخرجت ... اشتغلت ....خطبت ... استقلت و اشتغلت تانى ... تزوجت ... انجبت ... استقلت و سافرت برة .... الشركة قفلت و سافرت تانى و كثير و كثير من الاحداث و التفاصيل هل نجحت؟ اعتقد ان النجاح شىء نسبى ....... هل هو بتكوين ثروة ...... ....... هل هو بتكوين أسرة ....... هل هو بمركز مرموق ....... هل هو بالالتزام بالدين و القرب من الله ؟؟؟ عشرات التصنيفات و عشرات الاجوبة !!! كلها وجهات نظر قد يقترب بعضها من الاقناع و لكنها ستظل وجهات نظر سواء اتفقنا عليها او اختلفنا ........ لست ادرى يعنى اعتق...